بەسرە لە پلەی یەکەم ناوچەیل جەهانە وەگەرد ٧ شار عراقیش لەناو لیستەگە
وێستگەی پلاسەرڤیل لە ویلایەت کالیفۆرنیای ئەمریکا خشتەی ١٥ ناوچە و شار جەهانی بڵاو کردیە کە لە ماوەی ٢٤ ساعەت گوزەشتە بەرزترین پلەی گەرما لە جەهان توومار کردنە.
لە خشتەگە دەرکەفتیە کە گەڕەک ئەلحوسێن لە بەسرە بەرزترین پلەی گەرمای لە جەهان توومار کردیە و رەسیەسە 50 پلەی سەدی، لە دویای ئەویش ناوچەی عمادیە لە ئیران وە 49.6 پلەی سەدی، لە دویای ئەویش شار عەبادان لە ئیران وە 49.3 لە پلەی سەدی تیەێد، ئیجا ناوچەی فڕۆکەخانەی ناودەوڵەتی کوەیت لە کوەیت کفتە پلەی چوارەم وە 48.9 پلەی سەدی، و ناوچەی تورپان لە وڵات چین هاتە پلەی پەنجەم وە 48.7 پلەی سەدی.
هەرلیوا خشتەگە دیاری کرد ک شار عەمارە لە پارێزگای میسان عراق وە 48.6 پله ی سیلیزی له پلەی شەشەم تیەێد، شار ناسریەی عراق وە 48.6 پلەی سەدی کەفتە پلەی هەفتەم، و ئەهواز ئیرانی وە 48.5 پلەی سەدی له پلەی هەشتەم تیەێد، ئیجا شار سەماوەی عراق لە پلەی نوهەەم وە 48.5 پلەی سەدی، و ناوچەی سەفیا ئاباد دەزفول ئیران لە پلەی دەیەم وە 48.2 پلەی سەدی.
ناوچەی قەیرەوان لە تونس کەفتە پلەی ١١ وە ٤٨.١ پلەی سەدی، و پارێزگای نەجەف لە عراق لە پلەی ١٢ وە ٤٨ پلەی سەدی، و شار بەدرە لە عراق لە پلەی ١٣ وە ٤٨ پلەی سیلیزی، و پلەی دویەم ناوچەی فاو لە عراق لە پلەی ١٤ وە ٤٨ پلەی سەدی، و شار دیوانیە لە عراق لە پلەی ١٥ وە پلەی گەرمی ٤٧.٨ پلەی سەدی.
ئاژانس شەفەق نیوز خشتەی بەرزترین پلەیل گەرما لە جەهان بڵاو کەێد:
