ئاگر کەفێدە بازاریگ بازرگانی لە دیالە

شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا ئاگر گەپیگ هیزگردیە لە دوکانەیل بازرگانی لە دەوروگەرد قەزای بەعقوبە ناوەن پارێزگاگە.  

سەرچەوەگە وە ئاژانس شەفەق نیوز وت، " تیمەیل کپەوکردن ئاگرەگە  کوشاننەو، وە دەسمیەتی مەردم ئاگرە گەپەگە کۆتایی هاتیە، لە ساعاتەیل سەرەتای دۊەشەو، شمارەیل لە دوکانەیل بازرگانی مادەیل بیناسازی لە گەرەک ئازادی لە دەوگەرد شار بەعقوبە سزانیە". 

وتیش: "  ئاگرەگە زەرەد مادی و گیانی دایە، دەسڵاتدارەیل ئەمنی لێکۆڵینەوە لە رۊداوەگە وازکردنە"، دیاری کرد، تا ئیسە هوکار ئاگر کەفتنەگە ئاشکرا نییە.