ئه‌و ژنه مقيه‌تى له خوه‌يكوشيگ وه‌ناو "ئه‌بو مه‌ها" كرد له به‌غدا شه‌ش ساڵ زيندانى كريا
شه‌فه‌ق نيوز/ دادگاى تاانه‌يل ناوه‌ندى له سه‌رۆكايه‌تى ئستئناف رسافه‌ى به‌غدا، فه‌رمانيگ ده‌ركرد وه زيندانيكردن ماوه‌ى شه‌ش ساڵ ده‌رهه‌ق ژنيگ ك ستر له يه‌كيگ له تيرۆريسته‌يل كردگه.
له‌ى باوه‌ته, ناوه‌ند ره‌سانن ئه‌نجومه‌ن باڵاى دادوه‌رى له به‌ياننامه‌يگ وت: ئه‌و ژنه دگان وه ئه‌وه‌يا ناگه پيشوازى له "ئه‌بو مه‌ها" كردگه و وه‌ليا وه سه‌ياره‌يگ مينڕيژكرياى هۆنداى ستاريكس سوار بويه له نزيك بازگه‌ى شه‌عب تا گومان له‌لى دويره‌و بخا دوياى ئه‌وه‌گ نياز داشتگه پرووسه‌يگ خوه‌يكوشى ئه‌نجام بيه‌ێد وه ئامانج كرده‌وه‌ى تيرۆريستى.
به‌ياننامه‌گه هه‌ميش وت: ئه‌و ژنه دگان وه ئه‌وه‌يش ناگه خوه‌ى و هاوسه‌ره‌گه‌ى له رزه‌يل وه‌ناو ده‌وڵه‌ت عراق ئسلامى بوينه، ك دادگا وه‌گووره‌ى مادده‌ى چواره‌م/ 2 له ياساى دژه تيرۆر شماره 13ى ساڵ 2005 حوكم له‌باره‌ى ده‌ركردگه.
