لە پارێزگایگ عراقی.. یەک ژن و ٧ پیاو لە داعش گریەن

شەفەق نیوز/ ئاژانس هەواڵگری سەروە وەزارەت ناوخۆ، ئمڕوو چوارشەممە، خەوەردا لە دەسگیرکردن ٨ کەس لە ریخریاگ داعش  لە پارێزگای سەڵاحەدین، یەک ژن هاناویان.

ئاژانسەگە لە بەیاننامەیگ ئمڕوو وت: مەفرەزەگانی لە وەڕێۆبەرایەتی هەواڵگری سەڵاحەدین توێنستن ٨ تیرۆرست بگرن ویەک ژن هاناویان لە جووراجور ناوچەیلیگ لە پارێزگای سەڵاحەدین، ک وەگورەی فەرمانبەرەیل مادەی ٤ تیرۆر لەوەر لایەنگرییان ئەرا داعش داوا کریانە.

بەیاننامەگە وتیش؛ لە لێکۆڵینەوە سەرەتایبەگان ئاشکرای لایەنگرییان ئەرا ریخریایەگە کردن، و لە چەن کاریگ تیرۆری دژوە هێزە ئەمنیەگان و هاووڵاتییەگان بەشدار بوینە، و ئاماژە کرد ک قسەیلیان واژوو کریا و دریانە دەس لایەنە پەیوەندیدارەگان.