ولایەتیگ ئەمریکی یەکەم مردن وە ئاڵشبۊی " ئۆمیکرۆن" توومارکرد

ولایەتیگ ئەمریکی یەکەم مردن وە ئاڵشبۊی " ئۆمیکرۆن" توومارکرد
2021-12-21T07:20:50+00:00

شەفەق نیوز/ وەرپرس تەندروسی ولەیەت تکساس لە ئەمریکا، ئمڕوو سێشەممە، راگەیان، یەکەم مردن وە ئاڵشبۊی نوو لە کۆڤید -19 "ئۆمیکرۆن" توومارکریایە.    

کەناڵ "ئەی بی سی" شەو دوشەممە/سێشەممە قسەی وەرپرسەیل راگەیان ک لەو باوەڕەن یەکەم پسای مردن وە ئۆمیکرۆن لە ئەمریکا توومار کریایە.    

ویلایەت یەکگرتگەیل تەنیا لە ماوەی سێ هەفتە، یەکەم پسای کۆرۆنای نوو ئۆمیکرۆن راگەیان.     سەنتەرەیل  کۆنتڕۆڵکردن بیماری و نەهێشتن بیماری ئەمریکا رووژ دوشەممە مەزەنەکردن  لە ماوەی  3 ئەرا 18 کانوون یەکەم، زنجیرە نووەگەی بیماری  کۆرۆنا ئۆمیکرۆن لە ئەمریکا بڵاوبۊیە، ک وە 73 لە سەد لەلیان شماریەێد.    

ناوەنەیل ئەمریکا دووپاتکردن ئۆمیکرۆن لە گشت ولایەتەگان پەیاکریایە بیجگە لە  دوو ویلایەت (ئۆکلاهۆما و باکوور داکۆتا).       

لە بڕیگ لە بەشەیل وڵاتەگە، لە نیویۆرک، نیوجێرسی، فرەیگ لە  ویلایەتەیل باشوور، بان خوەرئەڵات ناوراس  و باکوور خوەرئاوای زەریای ئارام، ئۆمیکرۆن ئیسە زیاتر  لە 90٪ پسای تۊیشبۊینە نووەیلە شماریەێد.    

ئی زیادبۊینە لە پسایەیل ئۆمیکرۆن لە ویلایەت یەکگرتگەیل 70٪ زیاترە لە هەفتەیەک وەرجە ئیسە، وە 72٪ بەرزترە لە دوو هەفتە وەرجە ئیسە، مەوقەی ک ئۆمیکرۆن  وە B.1.1.529 ناسریایە، مەزەنە کریاگە تەنیا 0.4٪ لە گشت تۊیشبۊی پسای  نووەگان نیشان بدەێد. 

Shafaq Live
Shafaq Live