بایدن نیگەرانە لە بلاوبۊین ئۆمیکرۆن لە ئەمریکا: ڤاکسین بیە و مەترس
شەفەق نیوز/ جۆ بایدن سەرۆک ئەمریکا نیگەرانیی وەڕێەوبەرایەتیەگەی خوەی دەربڕی لەباوەت بڵاوبۊین ئۆمیکرۆن لە ئەمریکا، باوجی نێود برەسێدە "قۆناغ رخبەریگ".
ئەمریکا شمارەی پەیمانەیی نوویگ توومارکرد لە تۊیشبۊیەیل ڤایرۆس کۆڕۆنا رەسێدە نزیکەی زیاتر لە یەک ملیۆن تۊیشهاتن.
بایدن وتیش: "وە وەرگردن تاقەبەشەیل ڤاکسین شایەت تۊیش ڤایرۆس کۆڕۆنا باێ باوجی پارێزراوی وەرانوەر نیشانەیل رخبەرەیلی"، دیاریکرد، " ڤاکسین کاریگەرترین ریە ئەرا رۊیوەرۊی بۊین ڤایرۆس".
بایدن دووپاتکرد لەبان، گرنگی واکسین وە وازکردن مەکتەویل و دیاریکرد کارگێریەگەی ئەرا ویلایەتەگان بوجە دابین کەێد ئەرا مقیەتیکردن لە خوەنەوارەیلە، " برێگ وڵایەت وە جۊر خاسیگ پابەن بۊینە و وەراسیش برێگی پابەن نین".
بایدن وتیش؛ ویلایەتە یەکگرتگەیل دەس کردیە وە داین تاقەبەشەیل ڤاکسین ئەرا مناڵەیل تەمەن 13 تا 15 ساڵ، رووژیگ دۊیای ئەوەگ وەڕێەوبەرایەتی خوەراک و دەرمان لە ئەمریکا رەزامەنی خوەی راگەیان ئەرا وەکارهاوردن زۊی ڤاکسین کڕۆنا ڤایرۆس لە جۊرpfizer ئەرا ئی تەمەنە.
