کوشیان شەش کەس وە کەفتن فڕۆکەیگ لە کەنەدا
2023-07-30T09:07:25+00:00
شەفەق نیوز/ شەش کەس گیانیان لەدەس دان، دویای کەفتن فڕۆکەیگ بویچگ لەناو کویەیل خوەرئاوای شار کالگاری باشوور خوەرئاوای کەنەدا، وەگورەی راگەیانن دەسەڵاتەیل ناوخوەیی.
رەقیب پولیس ناوخوەیی رایان سینگلتون وت: پەنج کەس و فڕۆکەوانیگ لەناو فڕۆکەگە بوینە، ک لە فڕۆکەخانەی سبرینگبانک نزیک کالگاری هەڵسیایە، و دویای ئەوە پەیوەندی وەگەرد فڕۆکەگە بڕیایە.
دەسەڵاتەیل گرووپیگ لە چەک ئاسمانی شاهی کەنەدا ئەرا مینەکردن فڕۆکەگە کل کردن، و وەدویری ١٠٠ کێلومەتر وەرەو خوەرئاوای کالگاری لەناو کویەیل پەیا کریا، و تەنیا هەلیکۆپتەر توەنێد بڕەسێدە ئەو شوینە.
پولیس وت؛ هەر شەش کەسەگە گیانیان لەدەس دانە، و لێکۆڵینەوە ئەرا رەسین وە بندروس رویداوەگە واز کریا.
