کوشیان دوو دیبلۆماتکار رووسی وە پەلاماریگ خوەیکوژی وە بان بالیۆزخانەی مۆسکۆ لە کابوڵ
2022-09-05T09:09:21+00:00
شەفەق نیوز/ پۆلیس ئەفغانستان، ئمڕوو دووشەممە، راگەیان خوەیکوشیگ شەوەکی ئمڕوو خوەی تەقانیەسەو لە نزیک دەر بالیۆزخانەی روسیا لە کابوڵ، وتیش وە تەقەکردن پەلامار پاسەوانە چەکدارەیل دایە هەنای نزیکەو بویە لە دەرەگە.
مەولەوی سابر فەرماندەی پۆلیس ناوچەگە وت، وە روتێرز وت، " پاسەوانەیل بالیۆزخانەی روسیا "تالیان" وەرجە ئەوەگ خوەیکوشەگە برەسێدە ئامانج تەقە لەلی کردنە".
رۆتێرز لە زوانی ئاژانس تاس روسی راگەیانیە دبلۆماتکاریگ رووسی و ئەندامیگ ئەمنی باڵیۆزخانەگە وە تەقینەوەگە تویش زەخمداری بوینە.
وەپای میدیایەیل راگەیانن و شایەتحالەیل " تەقینەوەگە مەوقەی رویدایە دبلۆماتکارە روسیەگە دەرچگە لە باڵیۆزخانەگە ئەرا وەرگردن بەڵگەنامەی هاوڵاتیەیل ئەفغان".
وەگورەی شایەتحالەیل" زیاتر لە 20 کەس گیان لە دەسدانە و چەن کەسیگیش زەخمدارە".
