چوار مردن و ١٠٥ تووشهاتن کۆڕۆنا لە ئیدارەی سەروەخوەیی
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو چوارشەممە، راگەیان تۆمارکردن چوار مردن لەوەر ڤایڕۆس کۆڤید-١٩.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: مردنە نووەکان ئەرا سێ ژن لە تەبەقە پیاویگ و پیاویگ لە کامپ هۆل تۆمار کریان.
موستەفا دووپات کرد ک ١٠٥ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٥٨ پیاو و ٤٧ ژن، وەگەرد دوو خاسەوبوین تۆمار کریا.
تووشهاتنە نووەکان وەیجوورە بەشەو بوین: ١٢ حەسەکە، ١٩ قامیشلۆ، ٧ دێرک، ٤ کەرکی لەکی، ١ عامودا، ٣ دەرباسیە، ٣ کۆبانی، ٢٤ ریقە، ٢٠ تەبەقە، ٦ مەنبج،٦ کامپ هۆل.
ژمارەی تووشهاتنەکان وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٨١٦٦ لەلیان ٦٤١ مردنە، و ١٨٣٩ خاسەو بوینە.
