١٥ مردن و ١٣٠ تووشهاتن وە کۆڕۆنا لە ناوچەیل ئیدارەی سەروەخوەیی
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو شەممە، راگەیان تۆمارکردن ١٥ مردن وە ڤایڕۆس کۆڤید-١٩ لە باکوور و خوەرهەڵات سوریا.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنە نووەکان ئەرا دوو پیاو و دوو ژن لە حەسەکە و سێ پیاو لە قامیشلۆ و پیاویگ و دوو ژنی لە دێرک و دوو پیاو لە تەبەقە و دوو پیاو و یەک ژن لە دێر زۆر تۆمار کریان.
موستەفا دووپات کرد ک ١٣٠ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات ئەرا ٨٣ پیاو و ٤٧ ژن تۆمار کردنە، وەگەرد ٩ خاسەوبوین لە پەتاگە.
بەیاننامەگە وتیش؛ تووشهاتنە نووەکان وەیجوورە بەشەوە بوین: ٤٥ حەسەکە، ١٦ قامیشلۆ، ٥ دێرک، ٢ دەرباسیە، ١ جل ئاغا، ٢٨ ریقە، ٢٩ دێر زۆر، ٤ کامپ رۆج.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٩٥٦٣ تووشهاتن، لەلیان ٥٩٣ مردنە، و ١٦٢٩ خاسەو بوینە.
