سێ مردن و ٩١ تووشهاتن کۆڕۆنا لە ئیدارەی سەروەخوەیی

شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو چوارشەممە، راگەیان تۆمارکردن سێ مردن لەوەر ڤایڕۆس کۆڤید-١٩.

دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: مردنە نووەکان ئەرا ژنیگ لە حەسەکە  پیاویگ  لە مەنبح و ژنیگ لە کامپ هۆل تۆمار کریان.

موستەفا دووپات کرد ک ٩١ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٤٧ پیاو و ٤٤ ژن، وەگەرد دوو خاسەوبوین تۆمار کریا.

تووشهاتنە نووەکان وەیجوورە بەشەو بوین: ١١ حەسەکە، ٩ قامیشلۆ، ١ دێرک، ٤ کۆبانی، ٤٥ ریڤە، ١٩ تەبەقە.

 ژمارەی تووشهاتنەکان وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا  ١٧١٧٩ لەلیان ٧٠٩ مردنە، و ١٧٥٧ خاسەو بوینە.