ئەو هەشت رویداوە ک لە 2022 بوینە جی باس و خواست

1- ئۆپراسیۆن سەربازی روسیا وەبان ئۆکرانیا:

لە 24 شوبات ڤلادمیر پوتن سەرۆک روسیا دەسوەپیکردن ئۆپراسیۆنیگ سەربازی وەبان هەریم دۆنباس لە ئۆکرانیا راگەیان.

2-جام جەهانی 2022ی قەتەر سەرکەفتن هەڵوژاردەی ئەرجەنتین و میسی:

هەڵوژاردەی ئەرجەنتین ئەرا جار سێیەم بویە بڕاوەی نازناو مۆندیال.

3- کووچ دویایی ئەلیزابێت دویەم، شاژن بەریتانیا:

لە رووژ 9ی ئەیلوول لە کۆشک بێکنگهام مردن شاژن ئەلیزابێت دویەم لە تەمەن 97 ساڵی راگەێنرا.

4-خوەینیشاندانەیل ئیران:

لە دویای کوشیان ژینا ئەمینی22 ساڵان وەلایەن پۆلیس ئەخلاق ئەو وڵاتە لە مانگ ئەیلوول خوەینیشاندانەیل لە شارەیل کوردی خوەرهەڵات کوردستان و ئیران دەسوەپیکرد.

5- سەردان نانسی پێلوسی ئەرا تایوان:

سەرۆک ئەنجومەن نوێنەرەیل ئەمریکا نانسی پێلوسی سەردان پایتەخت تایوان کرد لە مانگ ئاب لەبان ئاگاداری فرەیگ وڵات چین باوجی نانسی پێلوسی سەردانی کرد و نزیکەو بوی لە سەرهەڵدان جەنگیگ ناودەڵەتی.

6-لویتکی چین-عەرەب لە سعودیە:

سەرۆک کۆمار وڵات چین شی جینگ پینگ لە مانگ کانوون یەکەم سەردان سعودیە کرد و وەگەرد سەرۆک وڵاتەیل عەرەبی گردەو بوی.

7-سەنین تویتەر وەلایەن ئیلۆن مەسک:

لە 25 نیسان ئمساڵ ئیلۆن مەسک تووڕ کۆمەڵایەتی تویتەر وە 44 ملیار دۆلار سەن و دۆناڵد ترەمپ گلەودا ناو پلاتفۆرم تویتەر.

8-سەرداین جۆ بایدن ئەرا خوەرهەڵات ناوڕاس:

لە 15ی تەمووز جۆ بایدن سەرۆک ئەمریکا وە سەردانیگ رەسیە خوەرهەڵات ناوڕاس دویای ئەوە لە فرۆکەخانەی تەلئەبیب ئسرائیل ئەرا یەکەمجار گەشت کرد ئەرا سعودیە.