وەفەرمی.. محمد بن زايد بویە سەرۆک دەوڵەت ئیمارات

شەفەق نیوز/ ئەنجومەن باڵای یەکێتی لە ئیمارات، محمد بن زاید ئەرا سەرۆک وڵاتەگە پەسەن کرد، لە پشت زڕبراگەی شێخ خەلیفە بن زاید، ک رووژ جمعە دویاکووچی کرد.  

ئاژانس خەوەری ئیمارات وت: هەڵوژاردن بن زايد دویای گردەوبوینیگ لە کۆشک مشەرەف لە ئەبو زەبی وە سەرۆکایەتی جیگر سەرۆک دەوڵەت، حاکم دوبەی، محمد بن راشد آل مەکتوم هات.

شێخەیل ئیمارات، هەرلە سوڵتان قاسمی حاکم شاریقە، و حەمید نعێمی حاکم عەجمان، حەمەد شەرقی حاکم فجیرە، شەعود معەلا حاکم ئوم قیوەین، شعود بن سەقر قاسمی حاکم راس خەیمە، ئامادەی گردەوبوین ئەو هەڵوژاردنە بوین ک وەڕیەو چگ.  

وەزارەت باوەتەیل سەرۆکایەتی لە بەیاننامیگ وت: وەگورەی مادەی ٥١ لە دەستور، محمد بن زاید وە دەنگ گشتی وە سەرۆک دەوڵەت پەسەن کریا.