سەرۆک هەرێم کوردستان مکیس فەرمی ئەرا سەردان ئیمارات وەرگرێد
شەفەق نیوز/ نێچیروان بارزانی سەرۆک هەرێم کوردستان، ئمڕو دووشەممە، وەگەرد ئەحمەد ئیبراهیم زاری قونسڵ گشتی ئیمارات لە هەرێم کوردستان، باس لە پەوەندیە دووانییەکان کرد.
سەرۆکایەتی هەرێم کوردستان لە بەیاننامەیگ وت: قونسڵ ئیماراتی لە دیدارەگە مکیسیگ فەرمی لەلایەن شێخ محمد بن زاید ئال نهەیان شازادەی ئەبو زەبی و جیگر سەرکردەی باڵای هێزە چەکدارەیل ئەرا سەردان ئیمارات داگە دەس سەرۆک هەرێم، و مکیسەگە هەمیش دڵخوازی ئیمارات وە گەشەکردن پەوەندیەیل لە گشت چینەیل وەگەرد هەرێم کوردستان لەناوی بوی.
لەلای خوەییش، بارزانی باس لە خوەشحاكی خوەی ئەرا ئی مکیسە کرد و راگەیان لە جیوەجییکردنی لەو وەختە ک ئەرا هەردوگ لایەنەگە گونجیاگ بوور، وهەمیش وە بەرزی ئەرزشدار پەیوەندیەیل برادەری عراق و هەرێم کوردستان وەگەرد سەرکردایەتی و گەل ئیمارات کرد.
کۆبونەوەگە هەمیش باس لە دویاترین گەشەیل لە عراق وەشیوەی گشتی کرد و هەڵبژاردن هاتگ عراق و پەیوەندیەیل عراق و هەرێم کوردستان وەگەرد ئیمارات و گرنگی گەشەکردنی لە چینەیل ئابووری و بازرگانی.
