نووترین ئامار پەتاگە.. تووشهاتن کۆڕۆنا لە جهان لە ١٩،٦ مەلیۆن رەدکەێد
شەفەق نیوز/ بەیاننامەیل گردەوکریاگ لە تووشهاتن ڤایڕۆس کۆرۆنا، شەوەکی ئمڕوو یەکشەممە، دەرخست ک ژمارەی تووشهاتنەگان لە جهان لە ١٩،٦ مەلیۆن رەدکرد.
نووترین بەیاننامەیل لەلای ماڵپەڕ زانکۆی ''جۆنز هۆبکینز'' ئەمریکی دەرخست ک بڕ تووشهاتنەگان لە ١٩ مەلیۆن و ٦٣٧ هەزار تووشهاتن رەدکرد.
وهەمیش ژمارەیگ لە خاسەوبویەگان دەرخست ک نزیکەی ١٢ مەلیۆن بوین، و ژمارەی مردنەگان لە ٧٢٦ هەزار رەدکرد.
لە ئەمریکا، دویەکە شەممە، رۆیتەرز ژمارەی پەیمانەیی نوویگ لە تووشهاتنەگان ڤایڕۆس کۆرۆنا تۆمارکرد، وگەرد رەسین بڕ تووشهاتنەگان وەڤایڕۆسەگە ئەرا زیاتر لە ٥ مەلیۆن کەس.
لەسای یەک تووشهاتگ لەناو هەر ٦٦ کەس، ئەمریکا کەفتە وەردەم جهانەگە لە تووشهاتنەگان کۆڤید-١٩ ، و وڵاتەگە زیاتر لە ١٦٠ هەزاەر مردن تۆمارکرد.
لەمەکسیک، وەزارەت تەندروسی راگەیان تۆمارکردن ٦٤٩٥ تووشهاتن نوو، و ٦٩٥ مردن، تا بڕ گشتی بڕەسێدە ٤٧٥٩٠٢ تووشهاتن و ٥٢٠٠٦ مردن.
لە بەڕازیل، دویەکە شەممە، ژمارەی قوربانیەگان پەتاگە لە ١٠٠ هەزار مردن رەدکرد.
لەوەخت دیارکەفتن پەتاگە، لەماوەی سێ مانگ ٥٠ هەزار کەس کوشت، و تەنیا لەماوەی ٥٠ رووژ ٥٠ هەزار کەس تر کوشت.
لە کۆریای باشووری، دەسەڵاتە تەندروسیەگان ٣٦ تووشهاتن نوو وەڤایڕۆسەگە تۆمارکردن، تا ئامار تووشهاتنەگان بەرزەوبوود ئەرا ١٤،٥٩٨ تووشهاتن، و دویەکە خەوەردریا لە یەک مردن تا ئامار مردنەگان بڕەسێدە ٣٠٥ کەس.
لە وڵات چین، دەسەی تەندروسی گشتی ٢٣ تووشهاتن تۆمارکرد، لە ٣١ تووشهاتگ ئەرا رووژیگ وەرجە خوەی، و دەرچگن دەور ٤٥ کەس لە خەسەخانەگان، وهیمان ٨١٧ تووشهاتن هەس، ٤٣ لەلیان لە رەوش سەختن. بڕ تووشهاتنەگان لە وڵات چین رەسیە ٨٤٦١٩ ، و ژمارەی مردنەگان هیمان وەبی ئاڵشتی مەنن لە ٤٦٣٤ مردگ.
دانێیل ئەندڕۆز سەرۆک وەزیران وەلایەت ڤیکتۆریا وت: ٢٧٠٠ تووشهاتن کۆڕۆنا لە گشت وەلایەتەگە هەس، و سەرچەوگەی نادیارە. لە لیبیا، ناوەند نیشتمانی دژە بیماری راگەیان تۆمارکردن ١٥٣ تووشهاتن و ٣١ خاسەوبوین و ٥ مردن لە ماوەی ٢٤ ساعەت گوزەیشتە كردنه.
لە مەغریب، وەزارەت تەندروسی، دویەکە شەممە، راگەیان تۆمار ١٣٤٥ تووشهاتن لە ماوەی ٢٤ ساعەت گوزەیشتە کردن، تا بڕ تووشهاتنەگان بوودە ٣٢٠٠٧ ، وەزارەتەگە باس تۆمارکردن ١٩ مردن نوو کرد، تا بڕ مردنەگان بوودە ٤٨٠ کەس، و٦٤٢ کەس خاسەوبوین، تا بڕ خاسەوبوینەگان بوودە ٢٢١٩٠ کەس.
لە موڕیتانیا، وڵاتەگە ١٢ تووشهاتن نوو لەماوەی ٢٤ ساعەت گوزەیشتە تۆمارکرد، تا بڕ تووشهاتنەگان بڕەسێدە ٦٤٩٨ ، وئامار مردنەگان ئارام گرد لە ١٥٧ مردگ.
لە باشوور ئەفڕیقیا، ئامار مردنەگان لە ١٠ هەزار کەس رەدکرد، ودەسەڵاتەگان ٥٥٣،١١٨ تووشهاتن تۆمارکردن.
لە ئەڵمانیا، بەیاننامەیل پەیمانگەی رۆبیرت کوخ، ئمڕوو یەکشەممە، دەرخستن بەرزەوبوین تووشهاتنەگان ئەرا ٥٥٥ وەرانوەر ١١٢٢ دویەکە، تا بڕەگە بڕەسێدە ٢١٥٨٩١ تووشهاتن، و ژمارەی مردنەگان وەیەک مردن ئمڕوو، رەسیە ٩١٩٦ .
