نەتەوە یەکگرتگەیل؛ نزیکەی 4.4ملیۆن کەس لە جەهان بی ناسنامەن
2023-11-06T13:17:51+00:00
شەفەق نیوز/ رێکخریاگ نەتەوە یەکگرتگەیل لە بڵاوکریایگ ئاشکەرایکەێد، نزیکەی 4.4 ملیۆن کەس لە تەواو جەهان لەوەر چەن هووکار جیاوازیگ ناسنامە نەێرن.
هەر لە بڵاوکریاگەگەش هاتیە وە ئەگەر فرەیگەو شمارەی راستەقینەی ئەو کەسەیلە ناسنامە نەێرن زیاترە یەیش مەترسی دیرێد، چوینکە ئەو کەسەیلە لە بەشیگ فرە لە مافە سەرەتایی ژیانکردن بی بەشن، و پێوست وە هاوکاری وڵاتەیل کەێد تا چارەسەر بکرێد.
