نەتەوە یەکگرتگیەیل... زیاتر لە 100 ملیۆن کەس لە جەهان ئاوارەن
شەفەق نیوز/ رێکخریاگ نەتەوە یەکگرتگەیل، ئمڕوو دووشەممە، راگەیاند، وە مدووی وەردەوامی جەنگ و تونوتیژی لەناوچەیل جەهان و وەتایبەت جەنگ روسیا و ئۆکرانیا، لەی وەختە زیاتر لە 100 ملیۆن کەس لەجەهان وەناچاری ئاوارە بوین، ک یە شماری بی وینەیگە لە جەهان.
کۆمسیۆن کاروبار ئاوارە و پەنابەرەیل لە رێکخریاگ نەتەوە یەکگرتگەیل ئمڕوو لە بەیاننامیگ باس لەوەکرد، شمارەی ئەو کەسەیلە ناچار کریانە ناوچەیل خوەیان لەوەر جەنگ و پێشێلکردن مافەیل ئایەم بیلنەجی، ئەرا زیاترە لە 100 ملیۆن کەس لەجەهان بەرزەوبویە.
دیاریکرد، ئەو شمارەی فرە لە ئاوارە ناچارییە و جی نیگەرانییە و بایەت وڵاتەیل جەهان باریەێدە هووش، ئەرا ئەوەگ کۆتایی وە جەنگ بارن و مەردم بتوەنێد لەناوچەیل خوەیان وە ئاشتی و ئازادی بژیەن، وەتایبەت ک تەنیا لەسەرەتای ئمساڵ 10 ملیۆن کەس وە ناچاری ئاوارە بوین.
لەسەرەتای پەلامارەیل روسیاوە وەبان ئۆکرانیا لە 24 شوبات ئمساڵ تا ئیسە، زیاتر لە شەش ملیۆن هاوڵاتی ئۆکرانی لە ناوچەیلیان ئاوارەبوین و پەنا ئەرا وڵاتەیل هاوسا بردنە ک یەیش گەپترین ئاوارەبوینە لە ئەوروپا لە ماوەی 50 ساڵ گوزەشتە.
