ریخریاییگ نەتەوەیی: هەرێم کوردستان نموونەیگ ئەرا وەرخودان تیرۆر و وەخوەیگردن پەنابەرەیل دیرێد
شەفەق نیوز/ زانکۆی کوردستان هەولێر، ئمڕوو چوارشەممە، کۆنگرەیگ هاوبەش وەگەرد ریخریاگ ناودەوڵەتی ئەرا پەنابەرەیل سەروە نەتەوە یەکگرتگەیل (UNHCR)، تایبەت وە پەنابەرەیل سوریا لە هەرێم کوردستان ئەنجام دا.
زانکۆی کوردستان هەولێر، ئێ کۆنگرە وە هاوکاری وەگەرد ریخریایەیلیگ نەتەوەیی ڕێک خست ئەرا وەرگردن خوەنەوارەیل لە کەمپەیل پەنابەری لە خوەنەواری باڵا لە هەرێم کوردستان وەگورەی پلانەیلیگ توکمە، و گرنگی دەێدە مقەیەتیکردن پەنابەرەیل لە ئاست خوەرهەڵات ناوڕاس و دەوڵەتە ئەوزەڵبویەیل.
ریخریایە ناودەوڵەتیەگە دەسخوەشی لە حکومەت هەرێم کوردستان، و دامەزراوەیل پاڵپشت ئەرا باوەت پەنابەرەیل لە عراق و ناوچەگە، ئەرا دابینکردن دەرفەتەیل کار و خوەنەواری سەرەتایی وباڵا ئەرا پەنابەر وئاوارەیل لە هەرێم کوردستان.
ریخریایەگە وت: لە هەرێم کوردستان، نموونەیگ ئەرا وەرخودان دژوە تیرۆر هەس ئیدارەی خاسیگ ئەرا باوەت پەنابەرەیل و دەرفەتەیل کار و خوەنەواری دیرێد، وپاڵپشتی هەرێم کوردستان کەیمن ئەرا وەردەوامی ئی کارەیلە.
ئەوەسا کۆنگرەگە ک لە هەولێر سازیەێد، باس بڕیگ لە تۆژینەوەیل لەباوەت پەنابەرەیل لە خوەرهەڵات ناوڕاس وهەرێم کوردستان وەتایبەت کەێد.
