مۆسکۆ.. لەئەنجام تەقینەوەیگ لە ئەمار ئاگربازی 16 کەس لەلای کەمەو زەخمدار بوینە
2023-08-09T10:34:55+00:00
شەفەق نیوز/ ئمڕوو چوارشەممە، دەزگای فریاکەفتن رووسیا راگەیان کە تەقینەوەیگ لە کارگەی بینایی زاگۆرسک لە سێرگیڤ پۆساد، لە جەرگەی مۆسکۆی پایتەخت روی دایە.
دەزگای فریاکەفتن راگەیانیە کە زانیارییە سەرەتاییەیل دەسنشان ئەوە کەن کە هوکار رویداوەگە لەوەر تەقینەوەی ئەماریگ ئاگربازی لە سێرگیڤ پۆساد بویە کە بویە هوکار زەخمداری 16 کەس.
دەسەڵاتدارەیل ناوچەگە وتنیش: بینا و کارخانەی نزیک وەتەواوی چووڵ کریان، کە تەقینەوەگە زەرەد وە باڵەخانەیل شانی رەسانیە.
لەلای خوەییش رووژنامەی "مۆسکۆ تایمز" لە زوان ئیدارەی ناوخوەیی وت: "فرە باڵەخانە هەس کە پەنجەرەیان شکیایە".
وتیش: "لە ئەنجام رویداوەگە لەلای کەمەو 16 کەس زەخمدار بویە".
ئەو سەرچەوە بڕیگ ڕاپۆرت رەتکرد کە باس لە ئەگەر پەلامار فڕۆکەی بێفڕۆکەوان کەن.
