یە یەکەم جارە.. سەرۆک کۆریای باکوور ژنیگ نەێدە پۆست وەزیر دەرەوە

شەفەق نیوز/ میدیایل راگەیانن فەرمی، ئمڕوو شەممە، وتن: سەرۆک کۆریای باکوور ئەرا یەکەم جارە ژنیگ ئەرا پۆست وەزیر دەرەوە دانا.  

"چۆی سون هۆێ" خانمە جیگر وەرین وەزیر دەرەوە، بویە وەزیر دەرەوەی کۆریای باکوور، ئەوەیش لە گردەوبوین حزبە دەسەڵاتدارەگە وەسەرۆکایەتی "کیم جۆنگ ئۆن "، وەگورەی ئاژانس خەوەری فەرمی کۆریای باکوور.    

ئەو خانمە ئیسە شۊن "ری سون گوون" گرێد ئەو وەرپرس سەربازی وەرینە ک سەرپەرشتی دانوسەنین وەگەرد کۆریای باشوور کرد.

  "چۆی" دیپلۆماسیە وزوان ئینگلیزی زانێد و راویژکاریگ نزیک لە "کیم" بوی لە دانوسەنین ئەتۆمی وەرد ئەمریکا، وهەمیش لە گردەوبوینەیل لویتگە لە دیدار سەرۆک وەرین ئەمریکا دۆناڵد ترەمپ وەیاوەری "کیم" بوی.