کۆریای باکووری تا ماوەی ١١ رووژ قەیەغەی خەنین کەێد
2021-12-18T07:48:55+00:00
شەفەق نیوز/ دانیشتگەیل کۆریای باکووری، ئەوەسا تا ١١ رووژ لە پرسەی دەهەمین ساڵیاد سەرکردەی کووچکردگ کیم جۆنگ ئیل لە چشتەیل فرەیگ دابڕیەن.
ماڵپەڕ رادیۆی "ئاسیای ئازاد " لە زوان سەرچەوەیلیگ لەناو کۆریای باکوور باس کرد ک وەماوەی ١٠ رووژ لە ١٧ی کانوون یەکەم، قەیەغەی نشان دان هەر چشتیگ بیجگە سالاری لەبان مەردمەگە کریەێد.
یەکیگ لە خەڵک شار سینویجۆ لە کنار سنوور وڵات چین وت: لەماوەی پرسەگە بایەتە مەی نەنووشیمن ونەخەنیمن وهۊچ کاریگ خوەشی نەکەیمن.
وتیش: سەنین میوەیش لە رووژ ساڵیاد مردن سرکردەی وەرین قەیەغەس، و و ئەگەر کەسیگ لە ماوەی پرسەگە کەسیگ لە جیزانەگەی مرد، ئەرای نیە وەدەنگ بەرز بگیرێد، و تا دۊیای ماوەی پرسەگە نێتۊەنێد مردگەگەی بنەێدە خاک.
