کۆمپانیایگ جهانی ئاشکرای نرخ واکسین کۆرۆنا کەێد

شەفەق نیوز/  لەی وەختە ک جهان گشتی چەوەڕی ئەو رووژە کەێد واکسینیگ وەشیوەی فەرمی پەیا بوود، و دابەش بکریەێدە جهان، ولە ناو بەرزەوبوین رووژانەی ژمارەی تووشهاتنەگان، تا ئمڕوو پەنجشەممە،  لە نووترین ئامار رەسیە زیاتر لە ١٨،٨٢ مەلیۆن تووشهاتن، یەکیگ لە کۆمپانیاگان ک کار لە بەرهەمهاوردن واکسینەگە وەی نزیکە کەێد، ئاشکرای نرخ تاقەبەشەگەی کرد.

کۆمپانیای مۆدڕنا راگەیان دیاری کردن نرخ تاقەبەش واکسینە تاقیکردنەوەگەی ئەرا ڤایرۆس کۆرۆنا، لەناونی ٣٢ و ٣٧ دۆلاره‌، ئەرا گریەبەسەیل تایبەت وە بڕە کەمەگان، واتە گرانترە لەو نرخە ک ئەمریکا دەربارەی کۆمپانیای فایزەر  راگەیان.

حکومەت ئەمریکی لە مانگ گوزەیشتە رێککەفتنیگ ئەرا سەنین واکسینە تاقیکەرنەوەگە کرد  وەگەرد کۆپانیایل فایزەر و بایۆ ئین تیک ، وەئامانج دابینکردن واکسین ئەرا ٥٠ مەلیۆن ئەمریکی وەرانوەر ٤٠ دۆلار ئەرا هەر کەسیگ، و سیستم واکسین دوو تاقەبەشی بوودە ناونی ٤٦ و ٧٤ دۆلار ئەرا هەر کەسیگ