لەماوەی مانگ گوزەشتە 78 کەس لە ئیران دریانە سێدارە

رێکخریاگەگە دیاریکرد، " ئی شمارە وە بەراورد مانگیگ وەرجە خوەی  51 حالەت زیایکردیە کە کەێدە 65 لەسەد وەپای ئامارەگە لە هەر دوو رووژیگ پەنج کەس لە سێدارە دریانە، کە لەماوەی مانگ ئەیلوول 27 کەس لە سێدارە دریابوین".

وەپای رێکخریاگەگە، 35 کەس لە سێدارەدریایەیل پەیوەنی وە مادەیل هووشبەرەو داشتنە.

لە ئامارەگە ئاشکەراکریاگە، فرەترین لە سێدارەداین لە ئەلبۆرز بویە وە 22 کەس، ئیجا پارێزگای وان وە 10 کەس، پارێزگای فارس هەشت کەس، پارێزگای خوراسان باشوور شەش کەس، ئەسفەهان پەنج کەس و گەیلان چوارکەس لە سێدارەدریانە و حالەتەیلتریش لە پارێزگایەیلتر توومارکریاگە.

جی باسە ئیران یەکیگە لەو وڵاتەیلە ئامار لە سێدارەدان لەناوی بەرزە و هەمیشە وەلاین ریخریایە جەهانیەیل رویوەروی رخنە بوود.