كەفتن مووشەک و فڕۆکەی بێفڕۆکەوان وەبان سینا لە وڵات میسر
2023-10-27T10:23:43+00:00
شەفەق نیوز/ سەرچەوەیلیگ ئەمنی میسری، ئمڕوو جمعە، خەوەردان لە کەفتن مووشەکیگ وەبان شار نوێبع لە پارێزگای باشوور سینا.
سەرچەوەیل وتن: مووشەکیگ کەفتە بان شار نوێبع لەناو شوینەیل سوپای سێیەم.
وتیش؛ مووشەکەگە کەفتە ناو بیاوان، کە تەقیاوە وەبی توومارکردن زەخمداری.
وتیش: ئیرنگە کەفتنە مینەکردن و گردەوکردن زانیاری لە بندروس ئەو مووشەکە.
ئی رویداوە دویای ئەوە تیەێد کە قسەکەر سەربازی وت: فڕۆکەیگ بیفڕۆکەوان نەناسیاگ، شەوەکی ئمڕوو، کەفتە نزیک خەسەخانەی نایا لە پارێزگای باشوور سینا.
وتیش: رویداو کەفتن فڕۆکە بێفڕۆکەوانەگە لە تابا خریاسە ژیر لێکۆڵینەوەی لایەنەیل پەیوەندیدار.
وتیش: ئەو رویداوە بویە هوکار زەخمداری سووکیگ لەلای ٦ کەس، لە خەسەخانە دەرچگن.
