رۆمیۆ و جولێت وڵات میسر خوەیان کوشن

رۆمیۆ و جولێت وڵات میسر خوەیان کوشن
2021-09-28T09:02:01+00:00

شەفەق نيوز/ ئاواییگ سەروە کەفر شێخ لە وڵات میسر، خەفەت کیشا، دۊیای خوەیکوشتن دۊیەت و کوڕیگ وە ماوی ٢٤ ساعەت، وە خواردن حەپ ژەهرین، لەوەر ئەوە ک باوانەیلیان ڕازی وە دڵدارییان نەۊینە. 

وەچەودیەیلیگ لە خەڵک ئاوایەگە باس کردن ک دۊیەتەگە وەناو (سەمیرە) ١٥ ساڵانە، هالە خوەنەواری ئامادەیی، و کوڕەگە وەناو عەبدوڵڵا ١٦ ساڵانەی و هالە خوەنەواری ناوەندی. 

وەچەودیەیلە باس ئەوە کردن ک دۊیەتەگە روی وەرەو مەکتەو کردگە و ڕەنگی زەرد بۊیە، و لەهووش خوەی چگە، و دۊیەتیگ هاووڕیی رەسانەی خەسەخانە، و هەنای پزشکەگە لەلی پرسیە، دۊیەتەگە وتگە ک حەپ ژەهرین خواردگە، وپزشکەگە رەوانەی کردە خەسەخاژەی مەنسورە، وەلی گیانی لەدەسدا.

دۊیای چەن ساعەتیگ،  خەڵک ئاوایەگە خەوەر خوەیکوشتنن  عەبدوڵڵا کوڕ هاوسای سەمیرە وەپیان رەسی، ئەویش لە خود حەپە ژەهرینەگە خواردگە، ک هەر لەوەردەم ماڵەگەیان گیانی لەدەسدا. 

وتنیش؛ گشت خەڵک ئاوایەگە وە دڵداری ناوبەین ئەو دۊیەتە و کوڕ هاوساگەی زانن،  و لەناو مەردمەگە ئاشکرا بۊی ک لەوەر ناڕەزایی باوابەیلیان وەی دووسیە و نەیشتنە هاوسەرگیری بکەن، ناچار خوەیکوشتن بۊنە.

خەڵک ئاوایەگە، وە خەفەت فرەیگ، ماڵئاوایی لە تەرم دوو دووسەگە کردن.             

Shafaq Live
Shafaq Live