سوپای پاسداران: مۆساد پلان ئەرا کوشتن رەئیسی نەێد
شەفەق نیوز/ سوپای پاسداران ئیران ئاشکرا کرد ک مۆساد ئیسرائیل پلان ئەرا کوشتن گەورە وەرپرسەیل سەربازی وسیاسی ئیران دانەێد، وەتایبەت سەرۆک ئیبراهیم رەئیسی، ئەوەیش تا ژاوەژاو ئیران بڕەسنێدە بەرزترین ئاست.
کەناڵ سوپای پاسداران ئیران لەبان تێلیگرام لە زوان سەرچەوەیلیگ ئیرانی وت: مۆساد ئیسرائیلی تەقەلای کوشتن سەرۆک ئیران ئیبراهیم رەئیسی لە دەیشت تەهران پایتەخت دەێد، ئەرا شیوانن ئاسایش وڵاتەگە و و خاپوورکردن ئابووری وپارەی نیشتمانیی، ئەوەیش وەخاتر سازین زەمینەیگ ئەرا ناڕەزاییەیل گشتگیر.
وتیش: وەزارەت ئاسایش ئیران ئاگادار سەرۆکایەتی وە پلانیگ ئەرا کوشتن ئیبراهیم رەئیسی کرد، ودووپات کرد ک هەواڵگری سوپای پاسداران نواێ چەن سەردانیگ ئەرا سەرۆک رەئیسی وەرەو دەیشت تەهران و دیاردانی لەچەن بوونی گرد لەوەر مەترسی رەوشەگە.
لەخود چینەگە، نەفتالی بینێت سەرۆک وەزیرەیل ئیسرائیل وت: هاتێ وڵاتەگەی ریکارەیلیگ دژوە ئیران جیوەجی بکەێد ئەگەر لە گەشەداین بەرنامەی ئەتۆمیی وەردەوام بوی.
میدیایل راگەیانن ئیسرائیل، ئیوارەی دویەکە دووشەمەمە، لە پویچەڵکردن پلاماریگ ئیرانی لەبان کەسەیلیگ ئیسرائیلی لە تایلاند راگەیان.
کەناڵ ١٢ی ئیسرائیلی وت: هیزە ئەمنیەیلە لە تایلاند توەنستن شکست وە زنجیرەی تەقەلایلیگ ئەرا جیوەجیکردن پەلامارەیلیگ وەرجە چەن مانگیگ لەلایەن ئیرانیەیل لەبان ئامانجەیل خوەرئاوایی و ئیسرائیلی بارن، وتیش: وەگەرد ئەوەیش هیمان هوشداری سەخت وتیژیگ لە گەشتکردن وەرەو تورکیا هەس.
