سوپای پاسداران: 260 فڕۆکە لە ماوەی جەنگەگە خستیمنە خوارەو
شەفەق نیوز - تاران
سوپای پاسداران ئیرانی، رووژ شەممە، راگەیان کە هێز ئاسمانی فرەتر لە 260 فڕۆکەی دژمن خستیەسە خوارەو و ویرانیان کردگە لە ماوەی "جەنگ 40 رووژە وەرد وڵاتەیل یەکگرتگ و ئیسرائیل"، وە دووپاتکردن لەبان ئەوە کە ئامارەگەی لەوەگ هێزەیل سوپای ئیرانی وەدەسی هاوردنە رەد کردگە.
ئاژانس تەسنیم ئیرانی، لە زوان قسەکەر سوپای پاسداران، حسێن موحیبی وت، ئەو فڕۆکەیلە کە خریانەسە خوار فڕۆکەیل جەنگی لە جۊرەیل (ئێف-35) و (ئێف-16) و (ئێف-8) و (ئێف-5) لەخوەی گرێد، بیجگە لە فڕۆکەیل بیفڕۆکەوان و فڕۆکەیل ترەک پیشکەفتگ، وە بانگەشەکردن ئەوە کە هێزەیل وەرگری ئاسمانی بەشیگ گەورە لە کاروان فڕۆکە پیشکەفتگەیل ئەرا هێزە پەلاماردەرەیل ویران کردنە.
موحیبی دیاری کرد، کە هێزەیل ئیرانی لە ماوەی هەفتە یا دوو هەفتەی گوزەشتە تۊنستن هەفت فڕۆکەی بێفڕۆکەوان سیخوڕی لە جۊر MQM-170 بخەنە خوارەو و وە تەواوی دەس بگرنە بانیان.
لەباوەت توانایەیل سەربازییەو، قسەکەرەگە دیاری کرد کە ناوخۆییکردن پیشەسازییەیل وەرگری و وەرەونواچگن کەرت ئاسمانی ئاڵشتکارییگ لەناوی پێکهاتەی وەرگری ئیران دروس کردنە، و لە دەوڵەتیگ هاوردەکار ئەرا چەک ئاڵشتی کردنە ئەرا بەرهەمهاور و هەناردەکار ئەرا کەرەستە سەربازییە پیشکەفتگەیل.
دەسنشان ئەرا ئەوە کرد کە کۆپیکردن فڕۆکەی بیفڕۆکەوان ئیرانی "شاهد 136" لەلایەن هێزەیل جیهانییەو، وەپەی قسەی خوەی، نۊنەرایەتی بەڵگەیگ لەبان وەرەونواچگن پیشەسازییەیل وەرگری ناوخۆیی کەێد، وە دووپاتکردن لەبان ئەوە کە چەکە پیشکەفتگەیل ئیرانی ئیسە پشت وە زانست نیشتمانی و بەرهەمهاوردن ناوخۆیی بەسن، نەک وە سەنینەیل دەیشتەکی یا دەسمیەتیگردن وە راوێژکارەیل بیگانە.
موحیبی ئاشکرا کرد کە کۆمەڵگەیل ژیر زەۊ ئەرا بەرهەمهاوردن چەک و ئەمارکردنیان پەرەی وەپیان دریاگە، و وت کە ئەوانە ری دەن وە وەردەوامبۊن پیشەسازی لە رەوشەیل جەنگ و لە ژیر گورزەیل خەسیگ، و ریگری لەوە کەن نەیارەیل بڕ ئەممارەیل مووشەکی ئیرانی مەزەنە بکەن.
قسەکەر سوپای پاسداران هوشداری دا لە کەمەوکردن شوینەوار راداری ئەرا مووشەکەیل و فڕۆکە بیفڕۆکەوانەیل، و دابینکردنیان وە تەکنیکەیل شارینەوەی پیشکەفتگ، و وت کە ری وەپیان دەێد چینەیل جیاجیای سیستەمەیل وەرگری ئاسمانی نوو بڕن و وە وردی بڕەسنە ئامانجەیلیان.
دووپات کرد کە ئیران توانای وەڕێوەبردن و کارپیکردن چەکە سووک و سەنگینەیلی لە رەوشەیل پەلامار دیرێد، و زیای کرد: "نییەلیمن دژمن ریگری لەلیمان بکەێد لە بەرهەمهاوردن چەک تەنانەت ئەرا یەک خولەکیش".
موحیبی رەسیە ئەو دەرەنجامە، کە وەردەوامبۊن پرۆسەیل تەقانن ورد وەرەو شوینەیل هێزە دژمنەیل و بنکەیل و ژیرخانە گرنگەیلیان "شکەستخواردن هەژمار دژمنەیل" چەسپان و توانای ئیران لەبان وەڵامداین هازدار کردگە.
