٢٥ کەس لە هندستان لەوەر گەرما مردن
2022-05-04T07:04:32+00:00
شەفەق نیوز/ لەوەر بەرزەوبوین پلەیل گەرمی لە ولایەت ماهاراشتری لە هندستان 25 کەس گیان لە دەسدانە، ک ئەرا بەرزترین پلەی گەرمی بەرزەو بویە لەماوەی شەش ساڵ گوزەشتە.
وەپای هەواڵیگ لە ئاژانس ANI، لەوەر گەرما فرە بەرزەەو 25 کەس گیان لە دەسدانە.
وەزارەت تەندروسیی ھیندستان بڵاوکردیە، لە ساڵ ٢٠٢٢ تا سەرەتای مانگ ئایار، ٣٨١ کەس لەوەر برزەوبوین پلەیل گەرما تەندروسییان تێکچگە.
رووژ ٢٨ نیسان پلەی گەرما لە نیودەلھی پایتەخت ھیندستان ئەرا بان ٤٠ پلە بەرزەوبوی، لە پارێزگای ئۆدیشا لە خوەرهەڵات وڵاتەگە، مەکتەوەیل ئەرا ماوەی ھەفتەیگ بەسیان.
