هندستان ژمارەیەک پەیمانەیی جهانی نوویگ لە کۆڕۆنا تۆمار کەێد
2021-05-11T11:22:16+00:00
شەفەق نیوز/ سیمایل بڵاوبوین ڤایڕۆس کۆڕۆنا لە وڵات هیند، ئمڕوو سێشەممە، وەردەوام بوی، تا ناوڕاس تووشهاتنە نووەکان لەماوەی ٧ رووژ بڕەسێدە ئاستیگ پەیمانەیی نوویگ، و دەسەڵاتەیل تەندروسی جهانی هووشداری لە بنچینەی هێندەی لە ڤایڕۆسەگە کردن ک بویەسە جی نیگەرانی لە ئاست جهان.
وەزارەت تەندروسی وت: تووشهاتنە رووژانە نووەیل هیند ئەرا ٣٢٩٩٤٢ بەرزەو بوی، و مردنەیل رەسینە ٣٨٧٦ ، گشت ژمارەی تووشهاتنەکان لە وڵات هیند رەسێدە ٢٢،٩٩ مەلیۆن، و مردنەیل بوینە ٢٤٩٩٩٢.
ئامارەیل رۆیتەرز نشان دەن ک وڵات هێند هالە وەردەم وڵاتەیل جهان لە ناوڕاس رووژانەی مردنە رووژانەیل، ک خوەی یەک لە سێ بەش مردنەیل جهان وەخوەی دوینێد، و ناوڕاس تووشهاتنەیلی لەماوەی ٧ رووژ رەسیە ئاستیگ پەیمانەیی وە ٣٩٠٩٩٥ تووشهاتن.
