پیسی کەشوهەوای پەک دەوام مەکتەوەیل ئیران خەێد
2023-12-02T07:07:15+00:00
شەفەق نیوز/ دەسڵاتدارەیل ئیرانی، ئمڕوو شەممە، بڕیاردان دەوام فەرمی مەکتەوەیل بکەنە پشوو فەرمی لەوەر پیسی کەشوهەوا.
تلفزیۆن فەرمی ئیران، لە خەوەریل وە پەلە راگەیان، لە فرەیگ لە شارەیل ئیران وەبوونەی پیس بوین کەشوهەوا بڕیار دریا دەوام فەرمی مەکتەوەیل پەکبخرێد.
دیاریکرد، پیس بووین کەشوهەوای وڵاتەگە تا سوو دووشەممە وەردەوام بوود.
بەش فریاکەفتن لە فرەیگ خەسخانەیل تەهرانی پایتەخت چارەسەر شمارەیگ فرە لەمەردم کردنە کە هەس وە تەنگەنەفەسی کردنە لەوەر بەرزەوبوین رێژەی پیسی کەشوهەوا ئەرا رێژەی مەترسیدارەیگ لەبان تەندروسی، وەپای راگەیاندن فەرمی حکومەتەگە.
"دیاردەی ئەڵگەریان گەرمی" هووکار سەرەکی پیس بوین کەشوهەواس لە ماوەی وەرز زمسان لە ئیران، مەوقەی چینیگ هەوای گەرم راستەوخۆ پەیوەنی وەگەرد وای سەرد دروسکەێد لە نزیک چین بان زەوی دروسبوود، وەپای شارەزایەیل.
