سەرۆک وەزیرەیل بەریتانیا: ئەوەسا ئۆکرانیا لەبان داگیرکردن رووسیا سەرکەفێد
شەفەق نیوز/ بۆریس جۆنسۆن سەرۆک وەزیرەیل بەریتانیا، ئمڕوو سێشەممە، لە وتاریگ ئەرا پەرلەمان ئۆکرانیا وت: هیزەیل ئۆکرانیا ئەوەسا سەرکەفن و قورتار بوون لە داگیرکردن رووسیا، و جەنگەگە وە جەنگ ناوبەین "خەیر و شەڕ" داگە قەڵەم.
سەرۆک وەزیرەیل بەریتانیا، وت: ئۆکرانیا ئەوە چەسپان ک پسپۆڕەیل سەربازی وەتەواوی هەڵەن.
لە وتاریگ توومارکریای، جۆنسۆن هەمیش ئەرا پەرلەمان ئۆکرانیا وت: ئەوەگ وەپی ئۊشن هیزیگ ک نوای نیەگریەێد وە هیز جەنگاوەری پوتین، لەبان سەنگ نیشتمانی ئۆکرانیا شکیا.
وتیش: ئەوەسا مناڵ و نەوەیلدان ئۊشن ک ئۆکرانیەیل نشان جەهان دان ک هیز دەسدرۊژی چشتیگ نیە لەنوای هیز رەوشتی گەلیگ ک لەبان ئازادی رکدارە.
جۆنسۆن لە وتارەگەی لە هاوکاری سەربازییگ زیاتر راگەیان ک رەسێدە ٣٠٠ مەلیۆن جنێە ئیستەرلینی، ئەرا پاڵپشتیکردن هیزەیل چەکدار ئۆکرانیا.
جۆنسۆن پەیمانیش دا ک لە هەفتەیل بانان بەریتانیا مووشەک بریمستۆن دژوە کەشتی و سیستەم ستۆرمەر دژوە فڕۆکە و ماشینەیل قەڵغان ئەرا دراوردن مەدنیەیل کلکەێد.
