زانا و پسپۆڕەیلیگ مەزەنە کەن سەدەی بیس و یەکەم وە شیوەی بەدیگ تەواو بوود
2023-01-10T08:35:21+00:00
شەفەق نیوز/ زانکۆی ئۆکسفۆرد مەزەنە کرد ٩٠٪ لە دانیشتگەیل جەهان تا کۆتایی سەدەی بیس و یەکەم، بکەفنە وەر بەرزەوبوین پلەی گەرمی و هشکەساڵی.
گۆڤار Nature Sustainability وت: یەیش هیلێد نا یەکسانی کۆمەڵایەتی زیایەو بوود، و تەقەلای کەمەوکردن تەکان گاز دووانەی ئۆکسید کاربۆن شکست بارێد.
گەرمی و هشکەساڵی وە بەدترین کەشوهەوا دریەێدە قەڵەم ک هەڕەشەی ئەوزەڵکردن مرۆیی دەێد، وەگەرد ئەوەیش وە هویردی نەڕەسینە بندروس میکانزمەیل ئی کەشوهەوا و کاریگەریی لەبان ژینگەی کۆمەڵایەتی.
پسپۆڕەیل نموونەیگ هایدرۆلۆجی لە ١١١ پیکاتە وەکار هاوردن، تا مەزەنەی کاریگەری گیرهاتن گەرمی لە سەختی گەرمی و هشکەساڵی بکەن.
دەرکەفت ک تەکان کاربۆن سەخت وە ١٠ گلە لە گشت جەهان زیایەو بوود، وەگەردی کاریگەری بەدیگ تا نایەکسانی لەبان سیستەم ژینگەی کشتوکاڵی و بەرهەم کۆمەڵایەتی و ئابووری تا کۆتایی سەدەی بیس و یەکەم دروس کەێد.
