زەخمداری بوین لە ئەنجام تەقەکردن لە ناو بازاڕیگ لە ئستەنبول

شەفەق نیوز/ رووژنامەی "Sabah" تورکی، ئمڕوو دووشەممە، خەوەردا لە زەخمداری بوین 6 کەس لە هاوڵاتیەیل ئازەربایجانی ئیرانی و تورک لە وەخت رویوەروی بوینەوەیگ چەکداری لە ناوەندیگ بازرگانی لە ئستەنبول.

رووژنامەگە نوسایە،" لە ناوەندیگ بازرگانی لە سارییە رویدایە، گرفت مابەین ئەو دوو بڕ پیاوە دیاری نییە، لەدویای ئەوەگ گرفتەگە رەسێدە وەردەوەردە و یەکیگ لە لایەنەیل دەسکەێد تەقەکردن، لە ئەنجام رویداوەگە 6 کەس زەخمدار بوود، لە دویای ئەوەگ پۆلیس ئاگادار کریارەو  پیاوەیل ئەمنی وماشین فریاکەفتن ئەرا شوین رویداوەگە کلکردن، یەکیگ لە زەخمدارەیل لەوەر سەختی زەخمەیلی ئەرا خەسەخانە کلکریا".

دیاریکرد، " لە لێکۆڵینەوەی سەرەتایی دەرچگە 12 گولە وەشیایە و 6 کەس زەخمدار بویە ک 4 یان ئازەربایجانین یەکیگیان ئیرانی و یەکیگتریش تورکە، ئاشکەرایکرد هاوڵاتیە ئیرانیەگە پەیوەندی وە رویداوەگە  نەیرێد، تویش زەخمداری بویە چوینکە لە شوین رویداوەگە بویە".