ئۆکرانیا شکستهاوردن وە پەلانیگ ئەرا کوشتن سەرۆکەگەی راگەینێد
2024-05-07T13:12:29+00:00
شەفەق نیوز/ دەزگای ئاسایش ئۆکرانیا (SBU)، راگەیان کە ئاشکرای پلانیگ وەلایەن دزگایل بیگانە کردگە وە ئامادەکردن ئەرا کوشتن ڤلادیمێر زیلینسکی و بەشیگ لە سەرۆک دامودەزگایل ئاسایش وڵاتەگە.
وەگورەی بڵاوکردن کەناڵ دەزگای ئاسایش ئۆکرانیا لەبان تیلیگرام، دەسەیل رووسیا پلان ئەرا لەناوبردن زیلینسکی و سەرۆک دەزگای (SBU) فاسيلي ماليوك، سەرۆک هەواڵگری سەربازی (GUR) كيريل بودانوف و بەشیگ لە وەرپرسەیل ئۆکرانیا داناس.
دەزگای ئاسایش ئۆکرانیا وتیش: دوو عەقید لە ئیدارەی ئاسایش دەوڵەت لە ئۆکرانیا دەسگیر کریان، چوینکە زانیاریەیل نهێنی کل کردنە، و شوینیان وەشکیا و بوخت خیانەتکاری و ئامادەکردن ئەرا پەلامار تیرۆری وەپییان کریا.
