راپۆرتیگ دڵتەزن لە فەرەنسا.. هەر سێ رووژ ژنیگ کوشیەێد

لە ٢٩ی حوزەیران گوزەشتە، پولیس لەبان ری لە ناوچەی شامبرای لیه تورز لە هەرێم ئەندر ولوار ناوڕاس فەرەنسا لاشەی بیگانیگ پەیا کرد، و دەرکەفت کە تەرم ژنیگە لە تەمەن ٥٧ ساڵە.

دویای دوو رووژ پولیس بکوشەگە گرد، ئەویش شویەگەی بوی، کە ٤ مناڵ دیرن.

ئی رویداوە کاریگ ناوازە نییە لە فەرەنسا، باوجی بویەسە کاریگ نیمچە رووژانە، لەناو وڵاتیگ تاوان وەدەس نزیکترین کەسەیلیگ وە ژن کریەێد.

رووژنامەی "لوبارزيان" فەرەنسی وت: هەر سێ رووژ ژنیگ وەدەس یار و هاوسەر خوەی کوشیەێد.

دیاری کرد کە ١١٨ ژن وەدەس شوی یا شوی وەرینیان یا وەدەس یاریان لەماوەی ساڵ ٢٠٢٢ کوشیانە، وەگورەی بەیاننامەیل وەزارەت ناوخوەیی فەرەنسا، کە لەی دویاییە بڵاو بوی.

لە ساڵ ٢٠٢١، ١٢٢ ژن وەدەس هاوسەریان کوشیانە، و ٢٧ پیاویش وەدەس ژنەیلیان کوشیانە.