دویای ٣٠ ساڵ لە وایبن.. ئیتالیا وەرپرس مافیای سەقڵیە گرێد
2023-01-16T13:29:28+00:00
شەفەق نیوز/ پولیس ئیتالیا، ئمڕوو دووشەممە، دەسگیرکردن داواکریاگ شمارە یەکەمە لە ئیتالیا راگەیان، وەرپرس مافیا، تاوانکار ماتبۆ میسینا دینارۆ، ک یە نزیکەی ٣٠ ساڵە لە دەسەڵاتەیل وایە.
میسینا دینارۆ لە نووڕینگەیگ پزشکی تایبەت لە بالیرمۆ لە دوورگەی سەقڵیە دەسگیر کریا، وەگورەی قسەی ژەنیڕاڵ باسکوال ئەنجیلۆسانتو سەرۆک فیرقەی ئۆپراسیۆنەیل تایبەت لە پولیس.
تەلەفزیۆن حکومەتی ئیتالیا وت: پولیس میسینا دینارۆ وەگەرد دەسگیرکردنی ئەرا شوینیگ نهێنی برد.
وەگورەی ئەسوشیتد پرس، میسینا دینارۆ هەنای خوەی لە دەسەڵاتەیل شاردەو تەمەنی ٣٠ ساڵان بویە.
میسینا دینارۆ وەگەرد ئەوە ک ژیروەژیر کار کردێاد، و دەسەڵاتەیل مینەی کەن، هيز و سام گەورەیگ لە خوەرئاوای سەقڵیە داشت، ک وە ریبەر کوزا نوسترا (مافیای سەقڵیە) دریەێدە قەڵەم.
