دادگای ئیران سزای لە سێدارەدان وە بان چوار کەس دەرکرد وە توومەت فرووشتن مەی "ساختە"
قسەکەر دەزگای داد ئیران مەسعود ستایشی وت، دادگای ئیران لەوەر هەستاری باوەتەگە رینمایی لە سەرۆک دەزگاگە غوڵام حوسەێن موحسنی وەرگردیە، سزای 11 کەس دایە وە توومەت گەندەڵی لەبان خاک و تاوان ئەنجامداین وەرانوەر کەسەیلیگ لەری بڵاوکردن مادەیل ژەهر و رخبەر.
ستایشی وتیش، " توومەتبارەیل کحول دەسکرد لە خاوەن کارگەیگ کەرەستەیل پزیشکی سەننە و له دروسکردن مەی وەکاری هاوردنە و بڵاویکردنە".
دیاریکرد، " توومەتبار یەکەم لەجیای وەکارهاوردن کحول ئیسانۆل تەندروسی وەکاربارێد کحول ئیسانۆل پیشەسازی وەکارهاوردیە و فروشتیەسێ"، وتیش " توومەتبارەگە لەبان ئەوەگ دەرچگ بەش کیمایە کحول بڵاوکردیە ئەرا دروسکردن مەی وەبی ئەوە وشکین تاقیگەیی پێویست ئەنجام بەێد"، وتیش " دادگا چوار توومەتبار یەکەم سزای لە سێدارەدان ئەرایان دەرکرد و لە چوارەمەو تا نۆهەم سزای 5 ساڵ زیندانیکردن ئەرایان دەرکرد".
