‏خامنەیی دەربارەی خوەنیشاندەرەیل ئیران: بایەت "ئاژاوەگێڕەیل" لە سنوور ئەرایان بنریەێد

‏شەفەق نیوز - تەهران

‏عەلی خامنەیی، رێبەر باڵای ئیران، ئمڕوو شەممە، لەباوەت  ئەو خوەنیشاندانەیل نووە کە تەهران و چەن پارێزگایگ تر گردیەسەو راگەیان، دووپاتکرد لە داواکاریە "ئابووریەیل" خوەنیشاندەرەیل.

‏خامنەیی مەوقەی پیشوازیکردن لە بڕیگ لە بنەماڵەی شەهیدەیل وت: "ئیمە وەرد ناڕەزایەتیەیل گفتوگوکەیمن، باوجی توخمەیل ئاژاوەگێر گفتوگو وەردیان نیەرێد و هویچ وەلیفەتیگ نیەرێد، بەڵکم بایەت لە سنوور خوەیان بوسریەن".

‏وتیش:" ئیانە گاڵدریاگ و وە کراگیریاگ دوژمن کە لە پشت بازرگانەیل وسیانە، و دروشمەیل دژ وە ئیسلام و دژ ئیران بەرزەوکەن".

‏لەلایگ پۆلیس ئیران راگەیان، خوەنیشاندەرەیل لە وڵاتەگە روی لە زیایشوین کەێد و وەرەو تونوتیژی چوود، لەهەمان وەخت ئاژانس " فارس" هووشداریدا لە ئەگەر دروسەوبوین راپەڕینیگ چەکداری.

‏

‏