٢٧ تووشهاتن کۆڕۆنا لە ناوچەیل ئیدارەی سەروەخوەیی
2021-06-03T10:42:41+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو چوارشەممە، راگەیان تۆمارکردن ٢٧ تووشهاتن نوو وە ڤایڕۆس کۆڤید-١٩.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: تووشهاتنە نووەکان ئەرا ١٥ پیاو و ١٢ ژن تۆمار کریا، وەگەرد دوو خاسەوبوین.
تووشهاتنە نووەکان وەیجوورە بەشەو بوین: ٤ حەسەکە، ٣ قامیشلۆ، ١ دێرک، ٥ کۆبانی، ٢ ریقە، ٥ تەبەقە، ٧ کامپ هۆل.
ژمارەی تووشهاتنەکان وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٧٩٤٦ لەلیان ٧٣٢ مردنە، و ١٨١٧ خاسەو بوینە.
