تەقینەوەیگ لەناو بانزینخانەیگ لە رووسیا 25 کەس کەێدە قوربانی
2023-08-15T07:17:45+00:00
شەفەق نیوز/ ئمڕوو سێشەممە، لەئەنجام هیزگردن ئاگر لەناو دوکانیگ ماشین خاسەوکردن بویە مدوو تەقینەوەی بانزینخانەیگ لەناوچەی داغستان لە روسیا و 25 کەس لە رویداوەگە گیان لەدەسدان.
ئاژانس خەوەری "ئینتەرفاکس" روسی راگەیان، لەئەنجام هیزگردن ئاگر لەناو دوکانیگ ماشین خاسەوکردن بویە مدوو تەقینەوەی بانزینخانەیگ لە شار ماخاچکاڵا لە ناوچەی داغستان روسیا کە کەفێدە باشور روسیا، و لەئەنجام ٢٥ کەس مردن و دەیان کەس زەخمداربوین".
ئاژانسەگە لە زوانی "ڤلادیمیر ڤیزێنکۆ" بریکار وەزیر تەندروسی روسیا دیاریکردیە،" شمارەی زەخمدارەیلە ئەرا ٦٦ کەس بەرزەوبویە و لەناوەینیان ١٠ زەخمدار تەندروسییان ناجیگیرە".
دەزگایەیل فریادڕەسین روسیا راگەیاننە، تیمەیل ئاگرکپەوکردن زیاتر لە سێ ساعەت و نیم تەقەلای کپەوکردن ئاگرەگە دانە.
