تەقیان هۆتیلیگ لە ئەمریکا بوودە هوکار زەخمداریبوین زیاتر لە 20 کەس
2024-01-09T07:48:26+00:00
شەفەق نیوز/ وەڕێوەبەرایەتی ئاگر کپەوکردن فۆرت وۆرس لە ویلایەت تێکساس ئەمریکا راگەیان تەقینەوەیگ لەناو هۆتیل ساندمان لەناوڕاس شارەگە رویدایە کە هاتێ وە مدوو دزەکردن غاز بوود، لەلای کەم 21 کەس زەخمداربوینە.
وەپای ئاژانس رۆیتەرز، لەئەنجام کەس نەمردیە و دەسڵاتدارەیل وە دویاچگن ئەرا رویداوەگە کەن.
کریگ ترۆگاسیک، قسەکەر وەڕێوبەرایەتی ئاگر کپەوکردن فۆرت وۆرس ئاشکەرایکرد، فریاگوزاری چەن کەسیگ قورتارکردیە کە لە ژیرزەمین هۆتێلەگە گیرکردنە و پەنج کەس لە زەخمدارەیلە بارودۆخ تەندروسیان ناجیگیرە.
