بەرزەوبۊن تۊشهاتن و مردنەیل کۆڕۆنای جیهان دۊیای هوچان دوو مانگی
شەفەق نيوز/ ریخریاگ تەندروسی جیهانی وت: تۊشهاتن و مردنەیل پەتای کۆڤید-١٩ لە گشت ناوچەیل جیهان دەسکردە بەرزەوبۊن، دۊیای دوو مانگ لە هوچانیگ، وەگەرد بڵاوبۊن ڤایرۆسەگە لە گشت ئەوروپا.
دۊیای ڤەن هەفتەیگ لە داوەزین، تۊشهاتنەیل ئەوروپا لەماوەی سێ هەفتەی گوزەیشتە بەرزەوبۊن بۊی، وەگەرد ئەو داوەزینە ک لەو شۆنەیل جیهان بۊی.
نزیکەی ٣ مەلیۆن تۊشهاتن نوو لە جیهان وە هەفتەی گوزەیشتە توومار کریاگە، و لەی هەفت ڕووژەی گوزەیشتە 4٪ زیایەو کردیە.
لەبان ئاست جیهان، پەتای ڤایرۆس کۆرۆنا وە ڕێژەی 4٪ لەی هەفتەی گوزەیشتە داوەزیایە، هەر لەو ماوە ئەوە وە ڕێژەی 7٪ لە گشت ناوچەێل ئەوروپا زیایکردیە،
رێکخراوەگە لە بەیاننامەگە باسکرد ک تووشهاتگەیل لە ئەوروپا وە ڕێژەی 18٪ بەرزەوبۊیە تەنیا لەماوەی یەک هەفتەێ گوزەیشتە بۊیە.
وەڕیەوبەر گشتی رێکخراو تەندروسی جیهانی تیدروس ئەدهانۆم غیبریسوس وت: شمارەی تۊیشهاتگەیل و مردنەیل ئەرا یەکەم جار لەی دوو مانگە فرەوبۊیە، هەرلیوا وەگەرد زیای بووین لە ئەوروپا، لە وڵاتەیڵ تر کەمەوبۊیە.
پاوپەێ لێکۆلینەوەی "سی ئێن بی سی" کردیە، لە تیشک و مەجەر وە جوور فرەێگ تۊیشبووین بەرزەو بۊیە، لەماوەی هەفت ڕووژ فرەتر لە 100٪ لە هەفتەی وەرین تا ڕووژ چوارشەممە بەرزەوبۊیە.
داتایەێل زانکۆ " جونز هوبکنز" ئاشکەرای کرد هەر یەک لە کرواتیا و دانیمارک و نەرویج و پۆلەندا تا ڕووژ چوارشەممە فرەوبۊین هەفتانەی پسایەیل فرەتر لە 70٪ توومارکریایە.
