کۆڕۆنای جیهانی دڕندەوە بوود.. هەر یەک خولەک ٥ مردن
2021-10-02T06:51:59+00:00
شەفەق نیوز/ مردنەیل کۆڕۆنای جیهانی، ئمڕوو جمعە، لە پەنج مەلیۆن رەد کردن، وەگەرد ئەوە ک بنچینەی دەلتا بۊیە هووکار زیایبۊن مردن لەناو ئەوانەگ واکسین وەرنەگردنە.
وەگورەی پۆست (ئەوەر ووردئین داتا) لەبان ئەنتەرنێت؛ زیاتر لە نیمەی خەڵک جیهان تا ئیسە تەنیا یەک تاقەبەش لە واکسین کۆڕۆنا بردنە.
وەگورەی توێژینەوەی رۆیتەرز؛ نزیکەی یەک ساڵ کیشا تا شمارەی مردنەیل ڤایرۆس کۆڕۆنا رەسیە ٢،٥ مەلیۆن، لەوەختیگ وە ماوەی ٢٣٦ رووژ ٢،٥ مەلیۆن مردن توومار کریا.
وە ماوەی یەک هەفتە، لە ئەمریکا و رووسیا و بەرازیل و مەکسیک و وڵات هیند زیاتر لە نیمەی مردنەیلە توومار کریا. هەمیش لە ماوەی هەفتەی گوزەیشتە، هەشت هەزار مردن رووژانە لە ئاست جیهان توومار کریا. ک لە هەر یەک خولەک بوودە پەنج مردن.
