پەیاکردن تەرم ٥ کەس لەناو شوقەیگ لە فەرەنسا

شەفەق نیوز/ دەسەڵاتەیل فەرەنسا، راگەیان پەیاکردن تەرم چوار مناڵ لە ٣ تا ١٢ ساڵان، وەگەرد ژنیگ شایەت داڵگیان بوود، لەناو شوقەیگ لە شار گرنوبڵ لەناوڕاس وڵاتەگە.   

پۆلیس فەرەنسا وت: تیمەیل رزگارکردن رۊ وەرەو شوقەگە کردن دۊای وەرگردن ئاگاداری لە کەسەیلیگ دەنگ لەلیانەو نییە.    

سەرچەوەگە وتیش: ئەندامەیل تیمەگە پەنج تەرم پەیاکردن لەناو شوقەیگ، و دیاری کرد ک تەرم چوار مناڵ تەمنیان لە سێ و هەشدە و دوانزە ساڵان بۊ، وەگەرد ژنیگ ٣٩ ساڵان.  

سەرچەویگ لە پۆلیس ئەرا ئاژانس فڕانس پڕس وت: شایەت ئەو تەرمەیلە هن داڵگ و مناڵەیلیگ بوود، و شایەت مناڵەیلە چشت ژەهرینیگ خواردنە، وداڵگەگە خوەی کوشتیە، باوجی هیمان لێکۆڵینەوە تەواو نەۊە.