واران وێرانی
2023-09-01T08:29:05+00:00
واران خەوەر نەیریدن چ داخێ ها سقانم
نم نم لە بانەو واری لە بێ کەسی شەوانم
سزرگە و ژان و تەنیایی بەن بەن دی داڕزانم
لەشوون ماڵ ڕمیاێ لافاو تێەێ لە چەوانم
شەوێ بۊنە وێرانە "سەرپێەڵ"و "قەسر شیرین"
لە سۊک دڵ تەنگی مان سیاپووش "گیەڵانم
نەکەێ بێ دەنگ بوواری دی دەسەڵاتێ نەێرم
دەخیل ئەور گاند جوور "ئزگڵە "وێرانم
زەۊلەرزە دا وە تاڵان خەرمان دڵ خوەشی مان
هەر تو مەنیدە واران تنیش چز بەێ لە گیانم
"جەلال کووهی"
