دویەکە

بێستوین دڵ لە جاگەێ کەنی

دەنگ ئەو خەنێیە چەپاو کرد گیانم

لافاو ئەسرەیلم تەڕ کرد چەوانم

سزرگە بردەم بەن بەن داڕزیام

جور سەونزە دارێ وە پاوە ڕزیام

خەیاڵم دا دەس چەپ واێ خەزانەو

بڵوزەێ ئاگر نا وەێ خەرمانەو

بڵاچەی هوررد خسە ناو گیانم

کردە پەتەسوو گشتی سقانم

لە شووند گەردیم وە دەور خوەمەو

وینەی پەروانە وە دەور شەمەو

روومەڵ خەزانێ خسە ناو گیانم

چمان زلزلە کەفتە میلکانم

هناێ نووڕسم لە وینەد خەنی

نێە زانی دڵم ساز خەم ژەنی

ئەو دەنگ خەنێیە وەختێ شنەفتم

جوور دار پویتار وە لاوە کەفتم

ئەو ڕا خوەێ خەنی م ڕا خوەم مردم

تەرم دڵ تا ناو قەورسان بردم

جەلال کووهی