تەنیا دار

ئـەو وە جـی مـەنـێ دەیـشـتـەیـل چـووڵـە

ئـەو وریـاێ کـەرە لـەو سـۊک شـارە

دارە خـرمـاگـەێ تـەنـیـاێ " سـوومـارە "

ئـەو قـامـەت زامـی داێـم مـەجـنـۊنـە

فـەقـەت خـوەێ زانـێ دەرۊنـێ خـۊنـە

خـوەزەو بـای دەو دەنـگ بـۊشـێ لـە ژانـێ

لـە ئـەو گـولـەیـلـە دریـاس لـە گـیـانـێ

لـەو زوڵـم و زوور سـپـاێ زەهـاکـە

لـە ئـەو شـێـرەیـل سـیـنـە چـاک چـاکـە

لـەو داخ گـران لـەو بـار کردنـە

لـە ئـەو وێـرانـی خـارەت کـردنـە

لـە ئەو شـێرەیلـە لـە سـارات کـوشـیان

مـشـتـێ لـە خـاکـێ وە دژمـن نـێان

خـوەزەو یـەێ سـاتـێ شان بـەی لـە شـانـێ

ئـەژوەنی وە گـووش دەرد گـرانێ

شـاهـنامـەێ بـۊشێ لــەو جـەورە کـیـشـاس

ئـەو سـا دی زانـی ئـڕاێ چـوە تـەنیـاس

جــــەلال کــــووهــــی