هووز خوەرهەتاو
نە شبم نە شب‌پرستم*
نە شەوم نە شەوپەرەستم، نە لە شەو نە خاو ئیشم
م لە هووز خوەرهەتاوم ، هە لە خورهەتاو ئیشم
م گوڵەم نییم بمینم ، بگەنم دە خوەم ، بمینم
م لەفاوم و شەتاوم ، هە لە وەرلەفاو ئیشم
م حڵاڵم و زڵاڵم ، م سەرئاوم هەر گڵاڵم
دە دڵ چیاێلە تووقم هە لە کانیئاو ئیشم
وەم وتی: هە هامە هووڵت ، بێ‌هساوکتاوە هووڵم
ک لە هووڵێ بێ‌هساو و خەم ناهساو ئیشم
لە ئەوین ئەڕا چە ئیشم؟ چە وە گورد خوەم نییم؟ م
ک دە لای نەچیرەوانێ لە نەچیر و راو ئیشم
گەی وە گەرد گشتێ پووڕم ، گەی لە دەرد گشتێ توورم
دی وە چەێگەمەو بنووڕم؟ وەختێ چاو و ڕاو ئیشم؟
نە زەمین خڕێگەم ئەو خوەێ ، نە زەمان چڕێگەم ئەو خوەێ
هەڕەزانەگەم ک تاو خوەم، ئوو لە تاوەتاو ئیشم
زنەیی خاوە خیاڵە مردن ئارزووی مەحاڵە
تو وە لاوەلاو یە بیش و م وە لاوەلاو ئیشم
مانگەشەو خوەشە وە بێ‌شەرت وە چەم پەڵەنگێ عاشق
ک چنگڕ خەێ وە شەوار و هە لە مانگەشاو ئیشێ
