واران
چیەنگو میەنڰم، لیم دۊری واران!
له هەر کەرانەێگ ئەر گیری واران!
ئە پاوەن وە سەد زەنجیری واران!
ئە سڵا لە لاێ هەق دیری واران!
پڵەێ خەێرێ بەێه! ت° نۊری واران!
دەرمان° خاک° خاپۊری واران!
ڕووژنای دنیاێ دڵگیری واران!
ئمێد° دەیشت° کەویری واران!
ماێەێ ئەترو گۆڵو ئەویری واران!
ئە سڵا لە لاێ هەق دیری واران!
پڵەێ خەێرێ بەێه! ت° نۊری واران!
ئمساڵ دریاگه ئاگر لە جاڕان
لە تێ سزیاگە مەل وە هزاران
دۊدیێ ئاڵەم داگه وە تاڵان
زانم تووریایده لە گۆناکاران!
ئە سڵا لە لاێ هەق دیری واران!
پڵەێ خەێرێ بەێه! ت° نۊری واران!
بێ ت° سەنز نیەکەێ گۆڵ° وهاران!
بڵبڵ نیەخۆەنێ لە سەر نساران!
نمرچێ وشک بۊە پاێ ڕیشگ داران
ئاو تم بردگه لە قۊلی قاران
ئە سڵا لە لاێ هەق دیری واران!
پڵەێ خەێرێ بەێه! ت° نۊری واران!
سازو سەرچووپیو ت° سۊری واران!
پڵەێ خەێرێگ بەێە جوور جار° جاران!
چیەنی بتووقن لە ڕۊ کووساران!
ئاڵەم شادەو کە لە دەیشتو شاران!
چیەنگو میەنڰم، لیم دۊری واران!
ئە پاوەن وە سەد زەنجیری واران!
ئە سڵا لە لاێ هەق دیری واران!
پڵەێ خەێرێ بەێە! ت° نۊری واران!
صفر زردوست
