ئەو درەو دۊیەمە لە دەسەڵاتداری  ک حەلبوسی لە بازیەگەی زانێد  

Category: ڕاپــۆرت

Date: 2022-01-12T11:49:13+0000
ئەو درەو دۊیەمە لە دەسەڵاتداری  ک حەلبوسی لە بازیەگەی زانێد   

شەفەق نیوز/ محمد حەلبوسی گلەوخواردن زاقیگ  ئەرا سەرۆکایەتی دۊیەمی ئەرا ئەنجومەن نۊنەرەیل توومار کرد، ک سەرکەفتنیگە هوچانەیل دەستووری لە دۊیای هەڵبژاردن دەی تەشرین یەکەم ٢٠٢١ چەسپانەی، ک ریەگە ئەرا هوچان دەستووری دۊیەم واز کرد، ک باس پەسەنکردن سەرۆک کۆمار نوویگ وەماوەی ٣٠ رووژ.                

 ئەو سەرکەفتن گەپە ک حەلبوسی لە دەسەڵاتداری دۆیەمی وەدەس هاورد، لە پشت وەرگردن دەنگ ٢٠٠ پەرلەمانتار هات، و هیشتەی لەبان رکابەرەگەی ک لە تەمەن گەورەترە مەحمود مەشهەدانی سەربکەفید، ک ئەو تەنیا ١٤ دەنگ کەفتە بەشی.                  

هاوپەیمانی دوژمنەیل                  

حەلبوسی،  هەرچەن وەگەرد خەمیس زەنجەر سەرۆک هاوپەیمان عەزم ململانەی سیاسی دیرێد، باوجی لەلی نزیکەو بۊیە، و هاوپەیمانییگ سونی لە دۊیای ئاشکراکردن ئەنجام هەڵبژاردنەگە پەیا کرد، هەرچەن هەر هاوپەیمانیگ شمارەی کورسیەیل جیوازیگ دیرێد.                  

و هەمیش سەرکەفتن حەلبوسی لە دەسەڵاتداری دۊیەمی، لە رسوومەیل سیاسی تیەێد ک هەر لە ٢٠٠٥ لە وڵاتەگە باوە، ک سەرۆک پەرلەمان ئەرا سونە بوود، و ئیجا سەرۆک کۆمار ئەرا کورد، تا سەرۆک کۆماریش ئەرک دروسکردن حکومەت دەێدە شیعە.                  

پەسەنکردن حەلبوسی فیکەی دەسوەپیکردن کوتا تا کردەویل سیاسی دەسوەپی بکەێد، یەیش لەوەختیگ گیچەڵ لەناو ماڵ شیعە لە دروسکردن حکومەت هاتگ هەس، وەگەرد  سەدریەیلە ئەرا دروسکردن حکومەت هاتگ دەن لە سینە، وهاوکاری پیهکاتەیلیگ سوننە و کورد، وەرانوەر پروژەی حکومەت یەکێتی نیشتمانی ک سەرکردەیل چوارچیوەی هەماهەنگی باسی کەن.               

هێزەیل سیاسی کورد و سوننە ئۊشن ئیمە رازی  نییمن هەڵوێست دوو جەمسەرە شیعەگە لە شەپۆل سەردی و چوارچیوەی هەماهەنگی  بکەیمنە دوو بەش، و داوای رێککەفتن لەناو خوەیان کەن تا وەرەو دروسکردن حکومەت فیدراڵی نوو بچن.             

 مەیدان هەرێمی               

حەلبوسی و خەنجەر هەمیش لەبان مەیدان هەرێمی جۊلە کردن، و تەقەلای دەوڵەتەیلیگ نشان دان ک پشتگیری سوننەی عراق کەن لەبان میکانزم بەشەوکردن ئەرکەیلە لەناوبەین سەرکردەیل تەقەدوم و عەزم لە حکومەت هاتگ، تا ئیجا حەلبوسی بتۊەنێد رەزامەنی وە خەنجەر بارێد و بوودە سەرۆک پەرلەمان.                    

سەرکردایەتی سوننە                

 لە لیست هەڵبژاردن "الأنبار هويتنا" تا  "تقدم" محمد ریکان حەلبوسی خوەی جۊر خاسترین نۊنەر سوننە لە عراق نشان دەێد، ک سەری هاناو بازیە سیاسیەگە لە بەغداد،  و هەمیش هاوماڵی سیاسی وەگەرد هێزەیلیگ سەرەکی لە ژیان سیاسی عراق ئاڵشت کەێد.     

بۊچگترین سەرۆک پەرلەمان                  

حەلبوسی بۊچگترین کەسە ک بۊیە سەرۆک پەرلەمان لە میژوو نوو عراق،  ک خوەی لە ساڵ ١٩٨١ لەداڵگبۊیە،  و لە ساڵ ٢٠١٤ چگەسە پەرلەمان،  و لە ناوی بۊیە ئەندام دەسەی ماف مرۆڤ  ئیجا ئەندام دەسەی دارایی، ک مەچیرەیل فرەیگ لە چالاکی دارایی حکوموتەگە وەدەس گرد، وەرجەیە بوودە پارێزگار ئەنبار ئیجا لەبان گشت رکابەرەیلی سەربکەفێد. 

related

راپۆرتیگ بەریتانی باس شیوەی عراق لە دۊیای هەڵبژاردن کەێد

Date: 2021-10-02 10:27:24
راپۆرتیگ بەریتانی باس شیوەی عراق لە دۊیای هەڵبژاردن کەێد